नागपूर : राज्याच्या उपराजधानीत हिट अँड रन प्रकरणांमध्ये दिवसेंदिवस वाढ होत चालली आहे.सोमवारी मध्यरात्री वाठोडा पोलीस ठाण्याच्या हद्दीतील दिघोरी चौकाजवळ अशाच प्रकाराचा भीषण अपघात घडला. सोमवारी मध्यरात्री एका वेगवान कारचालकाने फुटपाथवर झोपलेल्या आठ जणांना चिरडले. त्यात दोघांचा मृत्यू झाला तर पाच जण गंभीर जखमी आहेत.भूषण लांजेवार असे आरोपी कारचालकाचे नाव असून त्याला अटक करण्यात आली.
‘नागपूर टुडे’ने या अपघातासंदर्भात वाठोडा पोलीस स्टेशनचे ठाणेदार विजय दिघे यांच्याशी संवाद साधला.आरोपी हा विद्यार्थी असून त्याचे नाव भूषण लांजेवार आहे.
Gold Rate
03 June 2025
अपघातादरम्यान तो मद्यधुंद अवस्थेत असून भरधाव कार चालवत होता. या घटनेची माहिती मिळताच वाठोडा पोलीस ठाण्याचे पथक घटनास्थळी पोहोचले. सर्व जखमींना उपचारासाठी मेडिकल रुग्णालयात दाखल करण्यात आले. अपघातानंतर कारचालक घटनास्थळावरून फरार झाला होता. पोलिसांनी सीसीटीव्हीच्या माध्यमातून लगेच शोधमोहीम राबविली. त्यानंतर कारचालक भूषण लांजेवार याला अटकन आली. तसेचपोलिसांनी पुढील तपास सुरु केला आहे.
माहितीनुसार, हा अपघात घडला तेव्हा फुटपाथवर काही लोक झोपले होते. हे लोक रस्त्यावर खेळणे विकून उदरनिर्वाह करणारे लोक होते व त्यात महिला-मुलांचादेखील समावेश होता. उमरेड मार्गाकडे जाणाऱ्या भरधाव कारच्या चालकाचे नियंत्रण सुटले व कार थेट फुटपाथवर चढली. कार तीन महिला, चार मुले व एका पुरुषाच्या अंगावरच गेली. यामुळे जोरदार आवाज झाला व एका महिलेचा घटनास्थळीच मृत्यू झाला. तर दुसऱ्याचा उपचारादरम्यान मृत्यू झाला.या घटनेनमुळे परिसरात खळबळ उडाली होती.
